Мадриднинг "Реал" клуби келажакда Карим Бенземанинг ўрнини босадиган янги ҳужумчи қидирмоқда. Декабрь ойида франциялик ҳужумчи 35 ёшга тўлади.

Calciomercato нашри хабарига кўра, "қироллик клуби" Италия чемпионатидан муносиб ўйинчи топди. Ла Лига чемпиони раҳбарияти аргентиналик ҳужумчи Лаутаро Мартинес билан шартнома имзолашдан манфаатдор.

Лаутаро "нерадзуррилар" билан 2026 йилнинг ёзига қадар шартнома имзолаган. Transfermarkt портали унинг нархини 75 миллион еврога баҳоламоқда, аммо "Интер" ўз юлдузи учун кўпроқ товон талаб қилиши мумкин.

25 ёшли футболчи жорий мавсум А Сериянинг 9 та ўйинида 3 та гол урди ва битта голли узатмани амалга оширди.