O‘zbekiston kubogining yarim finalida «Navbahor» va «So‘g‘diyona» jamoalari 14 oktyabr, juma kuni o‘zaro to‘qnash keldi.

Uchrashuvning asosiy bo‘limlarida darvozalar daxlsizligi saqlanib qoldi. Qayd etib o‘tish joiz, «So‘g‘diyona» a’zosi Abdujalil Manazarov bahsning 71-daqiqasida ikkinchi sariq kartochkani olib, maydonni tark etdi. Qolgan daqiqalarda jizzaxliklar bir kishi kam bo‘lib harakat qildi.

Qo‘shimcha bo‘limlarda mezbonlar gol urish uchun bir nechta imkoniyatlarga ega bo‘lishdi, ammo ulardan unumli foydalana olishmadi. Penaltilar seriyasida «Navbahor» 3:1 hisobida g‘alaba qozondi. "So‘g‘diyona"ning uch futbolchisi zarbani golga aylantira olmadi.

Shu tariqa, Samvel Babayan jamoasi final bosqichiga yo‘l oldi. 13 oktyabr kuni «Nasaf» AGMK ustidan g‘alaba qozonib, dastlabki finalchiga aylangan edi.

«Navbahor» va «Nasaf» 30 oktyabr kuni Buxoroda bo‘lib o‘tadigan finalda o‘zaro bahs olib boradi.

O‘zbekiston kubogi, yarim final
14 oktyabr, juma
«Navbahor» — «So‘g‘diyona» 0:0
Penaltilar seriyasi: 3:1
«Navbahor»: 1. O‘tkir Yusupov, 4. Boyan Siger, 6. Rustamjon Ashurmatov, 10. Jamshid Iskanderov, 14. Jamshid Boltaboyev, 17. Diyorjon Turopov, 20. Doniyor Abdumannopov (77. Asadbek Sobirjonov, 70) 23. Yovan Jokich, 24. Davronbek Hoshimov, 28. Stanislav Andreev (22. Igor Golban, 58) 32. Zoran Marushich (55. Asadbek Jo‘raboyev, 109)
«So‘g‘diyona»: 27. Milan Mitrovich, 2. Sardor Qulmatov, 3. Dian Talxatov (20. Bahodir Nasimov, 46),  5. Ayubxon No‘monov, 7. Shahboz Jo‘rabekov, 17. Husniddin G‘ofurov, 19. Javohir Qahramonov, 21. Abdujalil Manazarov, 44. Yure Obshivach, 77. Daniel Nasriddinov (9. Shavkat Salomov, 78), 93. Marko Kolakovich,
Ogohlantirishlar: Abdujalil Manazarov (7), 70 Davron Hoshimov (10), Yure Obshivach (16), Dian Talxatov (3), Marko Kolakovich (45+1), Bahodir Nasimov (51), Igor Golban (66), Shohruz Norxonov (101), Rustam Ashurmatov (104).
Chetlatish: Abdujalil Manazarov (71, ikkinchi sariq kartochka).