Ўзбекистон кубогининг ярим финалида «Навбаҳор» ва «Сўғдиёна» жамоалари 14 октябрь, жума куни ўзаро тўқнаш келди.

Учрашувнинг асосий бўлимларида дарвозалар дахлсизлиги сақланиб қолди. Қайд этиб ўтиш жоиз, «Сўғдиёна» аъзоси Абдужалил Маназаров баҳснинг 71-дақиқасида иккинчи сариқ карточкани олиб, майдонни тарк этди. Қолган дақиқаларда жиззахликлар бир киши кам бўлиб ҳаракат қилди.

Қўшимча бўлимларда мезбонлар гол уриш учун бир нечта имкониятларга эга бўлишди, аммо улардан унумли фойдалана олишмади. Пенальтилар сериясида «Навбаҳор» 3:1 ҳисобида ғалаба қозонди. "Сўғдиёна"нинг уч футболчиси зарбани голга айлантира олмади.

Шу тариқа, Самвел Бабаян жамоаси финал босқичига йўл олди. 13 октябрь куни «Насаф» АГМК устидан ғалаба қозониб, дастлабки финалчига айланган эди.

«Навбаҳор» ва «Насаф» 30 октябрь куни Бухорода бўлиб ўтадиган финалда ўзаро баҳс олиб боради.

Ўзбекистон кубоги, ярим финал
14 октябрь, жума
«Навбаҳор» — «Сўғдиёна» 0:0
Пенальтилар серияси: 3:1
«Навбаҳор»: 1. Ўткир Юсупов, 4. Боян Сигер, 6. Рустамжон Ашурматов, 10. Жамшид Искандеров, 14. Жамшид Болтабоев, 17. Диёржон Туропов, 20. Дониёр Абдуманнопов (77. Асадбек Собиржонов, 70) 23. Йован Жокич, 24. Давронбек Ҳошимов, 28. Станислав Андреев (22. Игорь Голбан, 58) 32. Зоран Марушич (55. Асадбек Жўрабоев, 109)
«Сўғдиёна»: 27. Милан Митрович, 2. Сардор Қулматов, 3. Диан Талхатов (20. Баҳодир Насимов, 46),  5. Аюбхон Нўмонов, 7. Шаҳбоз Жўрабеков, 17. Ҳусниддин Ғофуров, 19. Жавоҳир Қаҳрамонов, 21. Абдужалил Маназаров, 44. Юре Обшивач, 77. Даниэль Насриддинов (9. Шавкат Саломов, 78), 93. Марко Колакович,
Огоҳлантиришлар: Абдужалил Маназаров (7), 70 Даврон Ҳошимов (10), Юре Обшивач (16), Диан Талхатов (3), Марко Колакович (45+1), Баҳодир Насимов (51), Игорь Голбан (66), Шоҳруз Норхонов (101), Рустам Ашурматов (104).
Четлатиш: Абдужалил Маназаров (71, иккинчи сариқ карточка).