“Navbahor” hamda “So‘g‘diyona” (0:0 asosiy vaqt, 3:1 penaltilar seriyasi) o‘rtasidagi O‘zbekiston Kubogi yarim final bahsidan so‘ng namanganliklar ustozi Samvel Babayan final masalasini asosiy vaqtda hal etishni maqsad qilgani, finalning tarixiy ahamiyati va hal qiluvchi o‘yindagi raqibi haqida fikr bildirdi.

“24 yillik tannafusdan keyin yana finalga chiqdiq. Bu tarixiy g‘alaba. Buxorodagi finalda ham klub tarixida yangi sahifa ochishni maqsad qilayapmiz”, - deydi Babayan.

“Mavsum avvalida ham aytgan edim – klub brendini avvalgi mavqeiga tiklaymiz deb. Bosqichma-bosqich oldimizga qo‘yilgan vazifalarni bajarayapmiz”

“O‘yinga kelsak, masalani asosiy vaqtlardayoq hal qilish kerak edi. Bugun, oldingi ikki o‘yinda shunaqangi ko‘p vaziyatlar yaratdikki, ularni hisoblasak yarim davraga yetardi. Raqib o‘yinni penaltilar seriyasigacha olib borishni maqsad qilgani ko‘rinib turdi. Ular haqida, ularning uslubi haqida ortiqcha gapirish noo‘rin. Jamoa hozirgi tarkibi bilan maksimum natijalarga erishmoqda. O‘tgan mavsum kumush medallarni olgan jamoa haqida ortiqcha to‘xtalish shart emas”.

“Nasaf” haqida avval ham aytganman – bu  barqaror va tartibli jamoa. Bir necha mavsumlardan beri bir tarkib bilan o‘ynaydi. Chempionatimiz yetakchisi. Ularga finalda o‘zlarini erkin his qilishlariga yo‘l qo‘ymaslikka harakat qilamiz”