Argentina terma jamoasining hujumchisi Lionel Messi kelasi oy Qatarda boshlanadigan JCH-2022 oldidan jarohat olish xavfi haqida gapirdi.
"Biz Jahon chempionatiga juda yaqin keldik va har qanday jarohat sizni turnirdan chetlashtirishi mumkin. Dibala va di Mariya bilan nima sodir bo‘lganini bilasiz. Buni ko‘rib, yanada qo‘rqinchli bo‘ladi. Shu bilan birga, jarohat olishdan qo‘rqib o‘yinga borishning ma’nosi yo‘q. Biz o‘zimizni avvalgidek tutishimiz kerak. Umid qilamanki, Paulo va Anxel JCH-2022 boshlangunga qadar tuzalib ketishadi. Ularning hali vaqtlari bor", - dedi 35 yoshli hujumchi AS bilan suhbatda.
Oldinroq Lionel bo‘lajak Jahon chempionati uning faoliyatidagi so‘nggisi bo‘lishini aytgandi.