Аргентина терма жамоасининг ҳужумчиси Лионель Месси келаси ой Қатарда бошланадиган ЖЧ-2022 олдидан жароҳат олиш хавфи ҳақида гапирди.
"Биз Жаҳон чемпионатига жуда яқин келдик ва ҳар қандай жароҳат сизни турнирдан четлаштириши мумкин. Дибала ва ди Мария билан нима содир бўлганини биласиз. Буни кўриб, янада қўрқинчли бўлади. Шу билан бирга, жароҳат олишдан қўрқиб ўйинга боришнинг маъноси йўқ. Биз ўзимизни аввалгидек тутишимиз керак. Умид қиламанки, Пауло ва Анхел ЖЧ-2022 бошлангунга қадар тузалиб кетишади. Уларнинг ҳали вақтлари бор", - деди 35 ёшли ҳужумчи AS билан суҳбатда.
Олдинроқ Лионель бўлажак Жаҳон чемпионати унинг фаолиятидаги сўнггиси бўлишини айтганди.
