"Barselona" yarim himoyachisi Frenki de Yong yozda klub prezidenti Joan Laporta tomonidan bosim bo‘lganini tan oldi.
Eslatib o‘tamiz, Kataloniya klubi yozda de Yongni yuqori maoshi tufayli sotmoqchi edi, biroq futbolchi jamoada qolmoqchi bo‘ldi.
“Men xotirjam edim. May oyida men qolishga qaror qildim. O‘shandan beri mening fikrim hech qachon o‘zgarmadi", - dedi de Yong Ziggo Sport bilan suhbatda.
"Menga bosim bor edi. OAV tomondan, prezident tomondan... ha, deyarli hamma tomondan. Ammo men "Barselona"da qolishni xohlardim, shuning uchun bu bosim menga hech qanday ta’sir qilmadi", - deya qo‘shimcha qildi niderlandiyalik futbolchi.
