"Барселона" ярим ҳимоячиси Френки де Йонг ёзда клуб президенти Жоан Лапорта томонидан босим бўлганини тан олди.
Эслатиб ўтамиз, Каталония клуби ёзда де Йонгни юқори маоши туфайли сотмоқчи эди, бироқ футболчи жамоада қолмоқчи бўлди.
“Мен хотиржам эдим. Май ойида мен қолишга қарор қилдим. Ўшандан бери менинг фикрим ҳеч қачон ўзгармади", - деди де Йонг Ziggo Sport билан суҳбатда.
"Менга босим бор эди. ОАВ томондан, президент томондан... ҳа, деярли ҳамма томондан. Аммо мен "Барселона"да қолишни хоҳлардим, шунинг учун бу босим менга ҳеч қандай таъсир қилмади", - дея қўшимча қилди нидерландиялик футболчи.
