"Real" Ispaniya chempionatining 8-turi doirasida o‘z uyida "Barselona"ni qabul qiladi. Karlo Anchelotti mazkur bahs oldidan o‘z fikrlarini bildirib o‘tdi.

«Mazkur o‘yinda eksperiment qilmoqchi emasman. O‘tgan mavsumda qandaydir yangilik kiritishga harakat qilgandim, ammo bu teskari effekt berdi («Real» «Barselona»ga 0:4 hisobida yutqazdi).

Nima qilish kerakligini yaxshi biladigan jamoani maydonga tushiraman. Biz yuqori saviyadagi raqibga qarshi maydonga chiqamiz. Shuning uchun maydonning har bir qarichi uchun kurash olib borishimiz kerak. Faqat shunday yo‘l bilan uchrashuvlar va turnirlarda g‘alaba qozoniladi.

Men futbolchilarga hech qanday rolik qo‘yib bermadim. Ularga kimga qarshi o‘ynashlarini yaxshi bilishadi. O‘tgan mavsumdagi o‘yin bu galgi bahsga ta’sir ko‘rsatmaydi. Bu yangi chempionat va yangi "klasiko".

Bu hal qiluvchi o‘yin emas. Ha, bu muhim uchrashuv, ammo mavsum hali olis. Barchasi endi boshlanmoqda», – dedi Anchelotti.