"Manchester Yunayted" yarim himoyachisi Kazemiro jamoa bosh murabbiyi Erik ten Xagning kuchli tomonlari haqida o‘z fikri bilan o‘rtoqlashdi.
“Ten Xag mehnatsevarlik va g‘alaba qozonish istagi bilan boshqalardan ajralib turadi. Bu nafaqat uning, balki butun murabbiylar shtabining harakteri. Ular hech qachon erishgan yutuqlaridan to‘xtamaydilar, ular doimo yangi narsa qilishni va o‘yinimizni yaxshilashni xohlashadi. Menimcha, “Manchester Yunayted”da ajoyib murabbiy bor. Ten Xag bu yerda yaxshi ish qilyapti. Uning ishlari "Ayaks"da ham ko‘rindi.
Biz turli sifatlarga ega bo‘lgan turli o‘yinchilarni tanladik. Ishonamanki, biz hammamiz ten Xagning o‘yin uslubiga moslashamiz. Har bir murabbiyning o‘ziga xos o‘yin modeli, shuningdek, jamoani boshqarish uslubi bor. Men Anchelotti va Zidan bilan ishlaganman. Klubga sodiqlik va qilayotgan ishingizga sodiqlik eng muhimi. G‘alaba esa hammasi to‘g‘ri bajarilgani natijasi bo‘ladi", - deya Kazemirodan iqtibos keltiradi mankunianliklar rasmiy sayti.
