Antuan Grizmann “Atletiko” va terma jamoa uchun 9 o‘yindan iborat golsiz seriyasiga barham berdi.

Fransiyalik futbolchi shanba kuni La Liganing 9-turida “Atletik” darvozasini ishg‘ol qildi. Bungacha Grizmann 7 sentyabr kuni Chempionlar ligasi doirasidagi “Portu”ga (2:1) gol urgan edi.

Qolaversa, “Atletik” darvozasiga urilgan gol Grizmanning “Atletiko” safida Ispaniya chempionatidagi 100-goli bo‘ldi. U bu ko‘rsatkichga erishgan oltinchi futbolchi bo‘ldi.

Shuni ham ta’kidlash joizki, fransiyalik futbolchi "Atletiko Madrid" safida ketma-ket 4ta o‘yinda asosiy tarkibda maydonga tushdi. Bungacha u asosan 60-daqiqadan so‘ng o‘yinga tushirilayotgan edi - bunga "Barselona"dan to‘lov miqdori bo‘yicha kelishmovchiliklar sabab bo‘lgan, deb hisoblangan. Yaqinda klublar o‘zaro kelishmovchiliklarni hal qilishdi.