Антуан Гризманн “Атлетико” ва терма жамоа учун 9 ўйиндан иборат голсиз сериясига барҳам берди.
Франциялик футболчи шанба куни Ла Лиганинг 9-турида “Атлетик” дарвозасини ишғол қилди. Бунгача Гризманн 7 сентябрь куни Чемпионлар лигаси доирасидаги “Порту”га (2:1) гол урган эди.
Қолаверса, “Атлетик” дарвозасига урилган гол Гризманнинг “Атлетико” сафида Испания чемпионатидаги 100-голи бўлди. У бу кўрсаткичга эришган олтинчи футболчи бўлди.
Шуни ҳам таъкидлаш жоизки, франциялик футболчи "Атлетико Мадрид" сафида кетма-кет 4та ўйинда асосий таркибда майдонга тушди. Бунгача у асосан 60-дақиқадан сўнг ўйинга туширилаётган эди - бунга "Барселона"дан тўлов миқдори бўйича келишмовчиликлар сабаб бўлган, деб ҳисобланган. Яқинда клублар ўзаро келишмовчиликларни ҳал қилишди.
