Nufuzli manba France Football talqini bo‘yicha yilning eng yaxshi yosh futbolchisi unvoni g‘olibi nomini ma’lum qildi.
Mukofot “Barselona”ning 18 yoshli yarim himoyachisi Gaviga beriladi, u ovoz berishda “Real” yarim himoyachisi Eduardo Kamavinga va Dortmundning “Borussiya” klubi futbolchisi Jud Bellingemni ortda qoldirdi, deb xabar beradi Marca. Mukofot g‘olibga dushanba kuni topshiriladi.
2021/22 yilgi mavsumda Gavi “Barselona” safida barcha turnirlarda 48 ta o‘yinda maydonga tushib, 2 ta gol va 6 ta golli uzatmaga mualliflik qilgan. Shuningdek, yosh futbolchi hisobiga Ispaniya terma jamoasi safida 12 o‘yinda bitta gol urgan.
