“Espanyol” va Shotlandiyaning “Seltik” klublarida to‘p surgan yaponiyalik futbolchi Syunsuke Nakamura joriy mavsum oxirida 44 yoshida faoliyatini yakunlaydi, deb xabar bermoqda Mundo Deportivo Yaponiya OAVlariga tayanib.
Yarim himoyachi hozirda Yaponiyaning ikkinchi divizioni vakili "Yokogama" klubida o‘ynaydi.
Nakamura o‘zining professional faoliyatini 1997 yilda Yaponiyaning "Yokogama Marinos" klubida boshlagan, 2002 yilda esa Italiya A seriyasiga o‘tgan va u erda uch mavsumni "Rejina" safida o‘tkazgan.
2005 yilda u "Seltik"ga sotildi va u yerda birinchi mavsumidayoq Shotlandiya chempionati va Shotlandiya Ligasi kubogini qo‘lga kiritdi.
"Seltik" bilan to‘rt yillik shartnoma muddati tugaganidan keyin yapon "Espanyol" futbolchisiga aylandi. Nakamura madaniy va lingvistik sabablarga ko‘ra ispan futboliga to‘liq moslasha olmagani haqida mish-mishlar tarqaldi.
Shundan so‘ng, 2010 yilda futbolchi yana Yaponiya chempionatiga qaytdi.
Xalqaro miqyosda Nakamura 2006 va 2010 yillardagi jahon chempionatlarida, shuningdek, 2003 va 2005 yillardagi Konfederasiyalar kubogi hamda 2000, 2004 va 2007 yillardagi Osiyo kuboklarida Yaponiya sharafini himoya qilgan.
