Superliganing 22-turidan o‘rin olgan markaziy o‘yinlardan biri mamlakatimizning nomdor klublari o‘rtasida kechadi. Vodiy derbisi maqomiga ega ushbu bahsda "Neftchi " hamda "Navbahor" jamoalari to‘qnash kelishadi.
O‘zbekiston chempionati doirasida jamoalar shu kungacha jami 55 marta raqobatlashgan bo‘lib, 26 ta o‘yinda "Neftchi", 13 tasida esa "Navbahor" ustun kelgan. 16 ta bellashuvda jamoalar murosa ko‘chasini tanlashgan. Umumiy to‘plar nisbati 80-54 "Neftchi" foydasiga.
O‘zaro uchrashuvlarda "Navbahor"ning eng yirik g‘alabasi 3:0," Neftchi"ning eng yirik g‘alabasi 4:1 hisobida yakunlangan.
Uch yillik tanaffusdan so‘ng Superligaga qaytgan "Neftchi" klubi "Navbahor" bilan birinchi davra bahsini Namanganda olib bordi va mazkur o‘yinda durang 0:0 natijasi qayd etildi.
E’tiboringizga Farg‘onada bo‘lib o‘tgan oxirgi 5 uchrashuv natijalarini keltirib o‘tamiz.
15.08.2014yil Neftchi-Navbahor 1:0
04.04.2015 yil.
Neftchi - Navbahor 1:0
12.03.2016 yil
Neftchi - Navbahor 1:0
19.08.2017 yil
Neftchi - Navbahor 1:1
08.08.2018 yil
Neftchi - Navbahor 2:1
