Суперлиганинг 22-туридан ўрин олган марказий ўйинлардан бири мамлакатимизнинг номдор клублари ўртасида кечади. Водий дербиси мақомига эга ушбу баҳсда "Нефтчи " ҳамда "Навбаҳор" жамоалари тўқнаш келишади.
Ўзбекистон чемпионати доирасида жамоалар шу кунгача жами 55 марта рақобатлашган бўлиб, 26 та ўйинда "Нефтчи", 13 тасида эса "Навбаҳор" устун келган. 16 та беллашувда жамоалар муроса кўчасини танлашган. Умумий тўплар нисбати 80-54 "Нефтчи" фойдасига.
Ўзаро учрашувларда "Навбаҳор"нинг энг йирик ғалабаси 3:0," Нефтчи"нинг энг йирик ғалабаси 4:1 ҳисобида якунланган.
Уч йиллик танаффусдан сўнг Суперлигага қайтган "Нефтчи" клуби "Навбаҳор" билан биринчи давра баҳсини Наманганда олиб борди ва мазкур ўйинда дуранг 0:0 натижаси қайд этилди.
Эътиборингизга Фарғонада бўлиб ўтган охирги 5 учрашув натижаларини келтириб ўтамиз.
15.08.2014йил Нефтчи-Навбаҳор 1:0
04.04.2015 йил.
Нефтчи - Навбаҳор 1:0
12.03.2016 йил
Нефтчи - Навбаҳор 1:0
19.08.2017 йил
Нефтчи - Навбаҳор 1:1
08.08.2018 йил
Нефтчи - Навбаҳор 2:1
