"Real" hujumchisi Karim Benzema tez orada jamoa bilan shartnomasini 2024 yilgacha uzaytiradi. Bu haqda jurnalist Fabrisio Romano tvitterda xabar berdi. Tomonlar o‘rtasidagi amaldagi kelishuv mavsum oxirida o‘z nihoyasiga yetadi.
34 yoshli Benzema 2009 yilning yozida "Lion"dan "Real"ga o‘tgan edi. Hujumchi joriy mavsumda barcha turnirlar doirasida 10 ta o‘yinda 5 ta gol urdi va golli uzatmani amalga oshirdi. Fransiyalik hujumchi bugun, 17 oktyabr kuni faoliyatida ilk bor “oltin to‘p” sohibiga aylanishi haqida avvalroq xabar berilgandi. Marosim Toshkent vaqti bilan 23:30da boshlanadi.
