Madridning “Real” klubi ukrainalik darvozabon Andrey Lunin bilan shartnomani uzaytirmoqchi. Bu haqda ABC telekanaliga tayanib Madrid Xtra xabar bermoqda.

Manbaning ta’kidlashicha, yakuniy qarorni 23 yoshli ukrainalik qabul qiladi. Luninning ispan klubi bilan amaldagi shartnomasi 2024 yilning yoziga qadar amal qiladi.

Joriy mavsumda ukrainalik darvozabon "Real Madrid" safida jarohat olgan Tibo Kurtua o‘rniga 5 ta o‘yin o‘tkazdi. Andrey 4 ta gol o‘tkazib yubordi va bir marta o‘z darvozasi dahlsizligini saqlab qoldi.

Avvalroq yozda "qaymoqranglilar" Luninni sotish variantini ko‘rib chiqishi haqida xabar berilgandi.