"Tottenxem" hujumchisida APLning "Everton"ga qarshi o‘yinida (2:0) chap boldir mushaklarida muammo yuzaga keldi va u 52-daqiqada almashtirildi. Kiyinish xonasida futbolchi yig‘lab yubordi.

Bugun braziliyalik futbolchi ko‘rikdan o‘tdi. Uning natijalari shuni ko‘rsatdiki, futbolchining jarohati jiddiy emas, u taxminan ikki haftadan so‘ng maydonga qaytishi mumkin.

"Shporlar" bosh murabbiyi Antonio Konte braziliyalik futbolchining Jahon chempionatida ishtirok etishi mumkinligini tasdiqladi.

“Bu jarohat, lekin u qadar jiddiy emas. Uning boldirida muammo bor. O‘ylaymanki, unga tiklanish va formaga qaytish uchun biroz vaqt kerak bo‘ladi.

Umid qilamanki, u Jahon chempionati oldidan biz uchun oxirgi o‘yinlarda maydonga tushadi, jarohati unchalik jiddiy emas. Men u uchun xursandman, chunki Jahon chempionatida o‘ynash har bir futbolchining orzusi”, - dedi Konte.