"Тоттенхэм" ҳужумчисида АПЛнинг "Эвертон"га қарши ўйинида (2:0) чап болдир мушакларида муаммо юзага келди ва у 52-дақиқада алмаштирилди. Кийиниш хонасида футболчи йиғлаб юборди.

Бугун бразилиялик футболчи кўрикдан ўтди. Унинг натижалари шуни кўрсатдики, футболчининг жароҳати жиддий эмас, у тахминан икки ҳафтадан сўнг майдонга қайтиши мумкин.

"Шпорлар" бош мураббийи Антонио Конте бразилиялик футболчининг Жаҳон чемпионатида иштирок этиши мумкинлигини тасдиқлади.

“Бу жароҳат, лекин у қадар жиддий эмас. Унинг болдирида муаммо бор. Ўйлайманки, унга тикланиш ва формага қайтиш учун бироз вақт керак бўлади.

Умид қиламанки, у Жаҳон чемпионати олдидан биз учун охирги ўйинларда майдонга тушади, жароҳати унчалик жиддий эмас. Мен у учун хурсандман, чунки Жаҳон чемпионатида ўйнаш ҳар бир футболчининг орзуси”, - деди Конте.