"Real Madrid"ning 30 yoshli belgiyalik darvozaboni Tibo Kurtua Fransiyaning France Football gazetasidan "Oltin to‘p" uchun ovoz berish tizimini tanqid qildi.
"Ishonchim komilki, darvozabon "Oltin to‘p"ni qo‘lga kirita olmaydi. Ushbu mukofot sohibi Karim Benzema va biz hammamiz bunga qo‘shilamiz. Ammo Chempionlar ligasi va Ispaniya chempionligini qo‘lga kiritgan shunday mavsumdan so‘ng, ovoz berishda o‘zimni yettinchi o‘rinda ko‘rdim. Bu esa darvozabonlar hisobga olinmasligidan dalolat beradi. Shu bilan birga kuchli o‘ntalikda himoyachilar ham yo‘q. Mayli, hech bo‘lmaganda ular yana bir sovrinni (Lev Yashin) o‘ylab topishdi", - deydi Kurtua A Bola nashriga.
Eslatib o‘tamiz, Ispaniya Primeranining so‘nggi mavsumida darvozabon 36 ta uchrashuv o‘tkazib, o‘z darvozasidan 29 ta gol o‘tkazib yuborgan va 16 ta o‘yinda o‘z darvozasi daxlsizligini saqlab qolgan. Chempionlar ligasida Kurtua 13 ta o‘yinda 14 ta gol o‘tkazib yubordi va jami 50 ta seyv amalga oshirdi.
