Bilbaoning “Atletik” klubi himoyachisi Inigo Martines “Barselona” bilan 2023 yilning yozida erkin agent sifatida jamoaga o‘tishga og‘zaki kelishib oldi. Bu haqda Mundo Deportivo xabar bermoqda.
Avvalroq Kataloniya klubi yozgi transfer oynasida 31 yoshli futbolchi uchun 20 million yevro taklif qilgani, ammo rad etilgani haqida xabar berilgandi. Yanvar oyida "Atletik" bilan shartnomasi mavsum oxirida tugaydigan Martines "Barselona" bilan dastlabki kelishuvni imzolashi va kelasi yozda jamoaga tekinga qo‘shilishi mumkin bo‘ladi.
Martines 2018 yil yanvar oyida "Atletik" klubiga o‘tgan. Joriy mavsumda ispaniyalik futbolchi tizzasidan olgan jarohati sabab milliy chempionat uchrashuvlarida maydonga tushmadi.
