"Liverpul" va Portugaliya terma jamoasi hujumchisi Diogo Jota Qatarda bo‘lib o‘tadigan Jahon chempionatini o‘tkazib yuborishi haqida gapirdi. Oldinroq "mersisaydliklar" bosh murabbiyi futbolchi "Manchester Siti"ga (1:0) qarshi oxirgi o‘yinda jarohat olgani va JCH-2022da ishtirok etmasligini aytgandi.
Jota ijtimoiy tarmoqlarda "Enfild"dagi yaxshi o‘yindan so‘ng oqshom juda yomon yakunlangani, orzusi buzilgani, endi u o‘z jamoasi va terma jamoasi uchun ishqibozlik qilishi, shuningdek, imkon qadar tezroq maydonga qaytishga harakat qilishini yozdi.
25 yoshli futbolchi joriy mavsumda barcha turnirlarda 8 ta o‘yinda maydonga tushdi va 5 ta golli uzatmani amalga oshirdi.
