"Ливерпуль" ва Португалия терма жамоаси ҳужумчиси Диого Жота Қатарда бўлиб ўтадиган Жаҳон чемпионатини ўтказиб юбориши ҳақида гапирди. Олдинроқ "мерсисайдликлар" бош мураббийи футболчи "Манчестер Сити"га (1:0) қарши охирги ўйинда жароҳат олгани ва ЖЧ-2022да иштирок этмаслигини айтганди.
Жота ижтимоий тармоқларда "Энфилд"даги яхши ўйиндан сўнг оқшом жуда ёмон якунлангани, орзуси бузилгани, энди у ўз жамоаси ва терма жамоаси учун ишқибозлик қилиши, шунингдек, имкон қадар тезроқ майдонга қайтишга ҳаракат қилишини ёзди.
25 ёшли футболчи жорий мавсумда барча турнирларда 8 та ўйинда майдонга тушди ва 5 та голли узатмани амалга оширди.
