"Tottenxem" bosh murabbiyi Antonio Konte hujumchi Xarri Keynni professionalligi uchun yana bir bor maqtadi.
"Ishonch bilan ayta olamanki, Keyn har bir o‘yinda maydonda ishtiyoq bilan harakat qiladi. U jarohat olib, Jahon chempionatini o‘tkazib yuborishdan qo‘rqmaydi. U haqiqatan ham bor e’tiborini “Tottenxem”ga qaratgan, ammo mening boshqa futbolchilarim ham shunday.
Albatta, Jahon chempionati eng muhim voqea, lekin men uchun futbolchilarga ishonish, ularda klubga to‘liq sodiqlik va 100% fidoyilikni ko‘rish muhim. Men bu jihatdan mamnunman", - dedi italiyalik mutaxassis “Manchester Yunayted”ga qarshi bo‘lib o‘tadigan o‘yin haqidagi matbuot anjumanida.
