"Тоттенхэм" бош мураббийи Антонио Конте ҳужумчи Харри Кейнни профессионаллиги учун яна бир бор мақтади.
"Ишонч билан айта оламанки, Кейн ҳар бир ўйинда майдонда иштиёқ билан ҳаракат қилади. У жароҳат олиб, Жаҳон чемпионатини ўтказиб юборишдан қўрқмайди. У ҳақиқатан ҳам бор эътиборини “Тоттенхэм”га қаратган, аммо менинг бошқа футболчиларим ҳам шундай.
Албатта, Жаҳон чемпионати энг муҳим воқеа, лекин мен учун футболчиларга ишониш, уларда клубга тўлиқ содиқлик ва 100% фидойиликни кўриш муҳим. Мен бу жиҳатдан мамнунман", - деди италиялик мутахассис “Манчестер Юнайтед”га қарши бўлиб ўтадиган ўйин ҳақидаги матбуот анжуманида.
