Lionel Messi Fransiya chempionatining sentyabr oyidagi eng yaxshi futbolchisi deb topildi.
“PSJ” hujumchisi 57 foiz muxlislar ovozini qo‘lga kiritdi. Argentinalik futbolchi “Lyoren” futbolchisi Dango Uattara (31 foiz) va “Lill” hujumchisi Jonatan Devidni (12 foiz) ortda qoldirdi.
Sentyabr oyida Messi Fransiya chempionatida 3 ta o‘yin o‘tkazdi – “Nant” (3:0), “Brest” (1:0) va “Lion” (1:0) klublariga qarshi. Bu o‘yinlarda u "gol+pas" tizimida 4 (1+3) ochkoni qo‘lga kiritdi.
Eslatib o‘tamiz, Uattara bir oyda 4 ta o‘yin o‘tkazib, 6 (4+2) ochko jamg‘argan, Devid esa 3 ta o‘yinda 3 ta gol urgan.
Avgust oyida "PSJ" hujumchisi Neymar Liga oyining eng yaxshi futbolchisi sovrinini olgandi.
