Лионель Месси Франция чемпионатининг сентябрь ойидаги энг яхши футболчиси деб топилди.

“ПСЖ” ҳужумчиси 57 фоиз мухлислар овозини қўлга киритди. Аргентиналик футболчи “Льорен” футболчиси Данго Уаттара (31 фоиз) ва “Лилль” ҳужумчиси Жонатан Дэвидни (12 фоиз) ортда қолдирди.

Сентябрь ойида Месси Франция чемпионатида 3 та ўйин ўтказди – “Нант” (3:0), “Брест” (1:0) ва “Лион” (1:0) клубларига қарши. Бу ўйинларда у "гол+пас" тизимида 4 (1+3) очкони қўлга киритди.

Эслатиб ўтамиз, Уаттара бир ойда 4 та ўйин ўтказиб, 6 (4+2) очко жамғарган, Дэвид эса 3 та ўйинда 3 та гол урган.

Август ойида "ПСЖ" ҳужумчиси Неймар Лига ойининг энг яхши футболчиси совринини олганди.