"Real" hujumchisi Karim Benzema o‘zining uchta orzusini amalga oshirishga muvaffaq bo‘lganini aytdi.
“Hayotimda uch orzuimni ro‘yobga chiqardim: onamga uy sotib oldim, “Real” bilan shartnoma tuzdim, chunki ular dunyoning eng yaxshi klubi va “Oltin to‘p”ni qo‘lga kiritdim. Men o‘z ishimdan juda faxrlanaman. Chempionlar ligasida "Real" bilan beshta g‘alaba? Bu tarix, chunki finalga chiqish qanchalik qiyinligini bilamiz. Men g‘alaba qozonish haqida gapirmayapman. Chempionlar ligasida g‘alaba qozonish juda qiyin, ammo buni besh marta qilish - bu tarix. "Real Madrid" - tarixga ega klub, shuning uchun u eng yaxshi va har doim g‘alaba qozonadi", - deya Benzemaning so‘zlarini keltiradi klub rasmiy sayti.
Eslatib o‘tamiz, Benzema faoliyatida ilk bor "Oltin to‘p"ni qo‘lga kiritdi.
