"Реал" ҳужумчиси Карим Бензема ўзининг учта орзусини амалга оширишга муваффақ бўлганини айтди.

“Ҳаётимда уч орзуимни рўёбга чиқардим: онамга уй сотиб олдим, “Реал” билан шартнома туздим, чунки улар дунёнинг энг яхши клуби ва “Олтин тўп”ни қўлга киритдим. Мен ўз ишимдан жуда фахрланаман. Чемпионлар лигасида "Реал" билан бешта ғалаба? Бу тарих, чунки финалга чиқиш қанчалик қийинлигини биламиз. Мен ғалаба қозониш ҳақида гапирмаяпман. Чемпионлар лигасида ғалаба қозониш жуда қийин, аммо буни беш марта қилиш - бу тарих. "Реал Мадрид" - тарихга эга клуб, шунинг учун у энг яхши ва ҳар доим ғалаба қозонади", - дея Бенземанинг сўзларини келтиради клуб расмий сайти.

Эслатиб ўтамиз, Бензема фаолиятида илк бор "Олтин тўп"ни қўлга киритди.