Madridning “Real” klubi hamon “PSJ” hujumchisi Kilian Mbappega qiziqish bildirmoqda.

L'Equipe nashrining yozishicha, Yevropaning top-klublari fransiyalik hujumchi atrofidagi tinimsiz janjallarga qaramay, unga bo‘lgan qiziqishni yo‘qotmagan. Qiziqarli variantlar orasida "Liverpul", "Real Madrid" va "Manchester Siti" ham bor.

Ta’kidlanganidek, "Real Madrid" o‘tgan yozda undan rad javobini olganiga qaramay, 23 yoshli hujumchini taklif qilish g‘oyasidan qaytgani yo‘q.

Ammo Mbappening "Real"ga o‘tishi faqat Madrid klubining shartlariga ko‘ra mumkin. Xullas, "Real Madrid" rahbariyatiga yaqin manba klub futbolchiga bosim o‘tkazayotganini aytdi. Madridning fikricha, forvard "PSJda bo‘lgani kabi, o‘zini klubdan muhimroqdek tutmasligi kerak".

Agar Mbappe bunga rozi bo‘lsa, kelajakda u "Real" futbolchisi bo‘lish imkoniyatiga ega bo‘ladi.

Joriy mavsumda Kilian "PSJ" safida barcha musobaqalarda 14 ta o‘yinda maydonga tushib, 12 ta gol urdi va 1 ta golli uzatmani amalga oshirdi.