Мадриднинг “Реал” клуби ҳамон “ПСЖ” ҳужумчиси Килиан Мбаппега қизиқиш билдирмоқда.
L'Equipe нашрининг ёзишича, Европанинг топ-клублари франциялик ҳужумчи атрофидаги тинимсиз жанжалларга қарамай, унга бўлган қизиқишни йўқотмаган. Қизиқарли вариантлар орасида "Ливерпуль", "Реал Мадрид" ва "Манчестер Сити" ҳам бор.
Таъкидланганидек, "Реал Мадрид" ўтган ёзда ундан рад жавобини олганига қарамай, 23 ёшли ҳужумчини таклиф қилиш ғоясидан қайтгани йўқ.
Аммо Мбаппенинг "Реал"га ўтиши фақат Мадрид клубининг шартларига кўра мумкин. Хуллас, "Реал Мадрид" раҳбариятига яқин манба клуб футболчига босим ўтказаётганини айтди. Мадриднинг фикрича, форвард "ПСЖда бўлгани каби, ўзини клубдан муҳимроқдек тутмаслиги керак".
Агар Мбаппе бунга рози бўлса, келажакда у "Реал" футболчиси бўлиш имкониятига эга бўлади.
Жорий мавсумда Килиан "ПСЖ" сафида барча мусобақаларда 14 та ўйинда майдонга тушиб, 12 та гол урди ва 1 та голли узатмани амалга оширди.
