"Barselona" yarim himoyachisi Frenki de Yongga "Liverpul", "Manchester Yunayted" va "Chelsi" qiziqish bildirmoqda, deb xabar beradi ESPN.
Manbaning xabariga ko‘ra, ingliz klublari agar futbolchi "Barsa"ni tark etishga rozi bo‘lsa, qishki transfer oynasida futbolchi bilan shartnoma imzolashga tayyor. Eslatib o‘tamiz, mankunianliklar o‘tgan yozda niderlandiyalikni sotib olmoqchi bo‘lgan, ammo keyin u klubini o‘zgartirishdan bosh tortgandi.
25 yoshli De Yong joriy mavsumda “Barselona” safida 12 ta o‘yinda maydonga tushib, 1 ta gol urgan. Uning klub bilan shartnomasi 2026 yilning yoziga qadar mo‘ljallangan.
