"Chelsi" bosh murabbiyi Grem Potter "Manchester Yunayted"ga qarshi APL o‘yinidan oldingi matbuot anjumanida jamoa yarim himoyachisi NGolo Kante bilan bog‘liq vaziyat haqidagi savolga javob berdi. Hozirda fransiyalik futbolchi jarohat olgan va uning klub bilan shartnomasi 2023 yilning 30 iyunida yakuniga yetadi.
“Hammamiz uchun, xususan, men uchun eng muhimi, Kantening operasiyadan keyin tiklanishiga, formasini tiklashiga yordam berish. Aynan shunga e’tibor qaratiladi.
Uning oldida uzoq yo‘l bor. Biz uchun Kantega to‘g‘ri munosabatda bo‘lish, uning formaga kirishiga yordam berish va shundan keyin kuchliroq bo‘lishi muhim. U yana futboldan zavqlana olsa, shartnoma masalasi haqida o‘ylashimiz mumkin", - deya Potterning so‘zlarini keltiradi "Chelsi" rasmiy sayti.
NGolo Kante tizzasidan olgan jarohati tufayli operasiya qilindi. Futbolchining tiklanishi uchun taxminan uch oy vaqt ketadi. Fransiyalik yarim himoyachi Qatardagi jahon chempionatini o‘tkazib yuboradi. Joriy mavsumda u "Chelsi"ning ikkita o‘yinida qatnashishga muvaffaq bo‘ldi.
