"Barselona" yarim himoyachisi Frenki de Yong qishki transfer oynasida faoliyatini Angliyada davom ettirishi mumkin. 25 yoshli futbolchiga "Liverpul" qiziqish bildirmoqda: Mersisayd jamoasi qishki transfer borasida niderlandiyalik yarim himoyachining agentlari bilan bog‘lanishgan. Bu haqda ESPN xabar bermoqda.
De Yong “Barselona”ga 2019 yilning yozida “Ayaks”dan kelib qo‘shilgan edi. Joriy mavsumda yarim himoyachi Ispaniya chempionati va Chempionlar ligasining 12 ta uchrashuvida 1 ta gol urdi. Tomonlar o‘rtasidagi kelishuv 2026 yilda yakuniga etadi. Yozgi transferlar vaqtida De Yongga "Manchester Yunayted" faol qiziqish bildirayotgani xabar qilingandi. Shuningdek, uni "Chelsi" ham sotib olishi mumkin.
