"Барселона" ярим ҳимоячиси Френки де Йонг қишки трансфер ойнасида фаолиятини Англияда давом эттириши мумкин. 25 ёшли футболчига "Ливерпуль" қизиқиш билдирмоқда: Мерсисайд жамоаси қишки трансфер борасида нидерландиялик ярим ҳимоячининг агентлари билан боғланишган. Бу ҳақда ESPN хабар бермоқда.
Де Йонг “Барселона”га 2019 йилнинг ёзида “Аякс”дан келиб қўшилган эди. Жорий мавсумда ярим ҳимоячи Испания чемпионати ва Чемпионлар лигасининг 12 та учрашувида 1 та гол урди. Томонлар ўртасидаги келишув 2026 йилда якунига этади. Ёзги трансферлар вақтида Де Йонгга "Манчестер Юнайтед" фаол қизиқиш билдираётгани хабар қилинганди. Шунингдек, уни "Челси" ҳам сотиб олиши мумкин.