"Nottingem Forest" 1996 yildan beri ilk bor "Liverpul"ni mag‘lub etdi.
Bugun bosh murabbiy Yurgen Klopp shogirdlari Premyer-liganing 13-turidan o‘rin olgan safar uchrashuvida 0:1 hisobida mag‘lub bo‘lishdi.
Bu “Liverpul”ning 26 yil ichida “Nottingem Forest”dan birinchi mag‘lubiyati. 1996 yilning mart oyida "o‘rmonchilar" o‘z maydonida xuddi shunday minimal hisobda (1:0) g‘alaba qozonishgan.
O‘shandan beri va bugungacha jamoalar 5 marta to‘qnash kelishgan, "Liverpul" uchta g‘alabaga erishgan, yana ikkita o‘yin durang bilan yakunlangan.
"Nottingem"ni ayni vaqtda uelslik murabbiy Stiv Kuper boshqaradi.
