“Manchester Yunayted” klubi markaziy himoyachisi Rafael Varanning tizzasidan jarohati borligi aniqlandi. Get French Football News nashrining o‘z manbalariga tayanib xabar berishicha, yaqin 48 soat ichida “Manchester Yunayted” shifokorlari futbolchining Fransiya terma jamoasi bilan bir oydan kamroq vaqt ichida boshlanadigan jahon chempionatiga borish imkoniyati bor-yo‘qligini tasdiqlash uchun bir nechta test o‘tkazishadi.
Eslatib o‘tamiz, Rafael Varan "Chelsi"ga qarshi o‘yinning 67-daqiqasida jarohat olgandi. "Aristokratlar" hujumchisi Pyer-Emerik Obameyang bilan to‘p uchun kurashda fransiyalik muvaffaqiyatsiz harakat qildi, natijada jarohat oldi. Rafael futbolkasi ostiga yuzini yashirgancha maydonni yig‘lab tark etdi. Uning o‘rniga shvesiyalik himoyachi Viktor Lindelyof maydonga tushdi.
“Chelsi” – “Manchester Yunayted” uchrashuvida durang natija qayd etildi – 1:1. London jamoasi tarkibida yarim himoyachi Jorjinyo penaltini golga aylantirdi, yarim himoyachi Kazemiro esa "qizil iblislar" safida darvozani ishg‘ol qildi.
