“Манчестер Юнайтед” клуби марказий ҳимоячиси Рафаэль Вараннинг тиззасидан жароҳати борлиги аниқланди. Get French Football News нашрининг ўз манбаларига таяниб хабар беришича, яқин 48 соат ичида “Манчестер Юнайтед” шифокорлари футболчининг Франция терма жамоаси билан бир ойдан камроқ вақт ичида бошланадиган жаҳон чемпионатига бориш имконияти бор-йўқлигини тасдиқлаш учун бир нечта тест ўтказишади.
Эслатиб ўтамиз, Рафаэль Варан "Челси"га қарши ўйиннинг 67-дақиқасида жароҳат олганди. "Аристократлар" ҳужумчиси Пьер-Эмерик Обамеянг билан тўп учун курашда франциялик муваффақиятсиз ҳаракат қилди, натижада жароҳат олди. Рафаэль футболкаси остига юзини яширганча майдонни йиғлаб тарк этди. Унинг ўрнига швециялик ҳимоячи Виктор Линделёф майдонга тушди.
“Челси” – “Манчестер Юнайтед” учрашувида дуранг натижа қайд этилди – 1:1. Лондон жамоаси таркибида ярим ҳимоячи Жоржиньо пенальтини голга айлантирди, ярим ҳимоячи Каземиро эса "қизил иблислар" сафида дарвозани ишғол қилди.
