Sankt-Peterburgning “Zenit” va Londonning “Arsenal” klublarining sobiq hujumchisi Andrey Arshavin “Manchester Siti”ning norvegiyalik markaziy hujumchisi Erling Xoland haqida o‘z fikrlari bilan o‘rtoqlashdi.
“Menga Mbappe va Neymar ko‘proq yoqadi. Shunchaki, Xolandda kuch va tezlikning o‘ziga xos kombinasiyasi bor – shuning uchun u juda ko‘p gol uradi. Uning “Siti”ga ko‘chib o‘tganidan xursandman. Ularga shunday hujumchi yetishmasdi", - deya Andreyning so‘zlarini keltiradi Sport24.
"Manchester Siti" 22 yoshli skandinaviyalik futbolchini Dortmundning "Borussiya"sidan 60 million yevro evaziga sotib olgan edi. Erling joriy mavsumda 11 ta o‘yinda 17 ta gol va 3 ta golli uzatmani amalga oshirdi.
