Санкт-Петербургнинг “Зенит” ва Лондоннинг “Арсенал” клубларининг собиқ ҳужумчиси Андрей Аршавин “Манчестер Сити”нинг норвегиялик марказий ҳужумчиси Эрлинг Холанд ҳақида ўз фикрлари билан ўртоқлашди.

“Менга Мбаппе ва Неймар кўпроқ ёқади. Шунчаки, Холандда куч ва тезликнинг ўзига хос комбинацияси бор – шунинг учун у жуда кўп гол уради. Унинг “Сити”га кўчиб ўтганидан хурсандман. Уларга шундай ҳужумчи етишмасди", - дея Андрейнинг сўзларини келтиради Sport24.

"Манчестер Сити" 22 ёшли скандинавиялик футболчини Дортмунднинг "Боруссия"сидан 60 миллион евро эвазига сотиб олган эди. Эрлинг жорий мавсумда 11 та ўйинда 17 та гол ва 3 та голли узатмани амалга оширди.