Superligada 23-tur uchrashuvlari davom etadi.

"Surxon"ning navbatdagi raqibi — Navoiyning “Qizilqum” jamoasi.

“Qizilqum” bu mavsumda juda yaxshi o‘yin namoyish etmoqda. Navoiyliklar joriy mavsum liderlar qatoridan joy olgan. Ayni vaqtda jamoa 35 ochko bilan 5-o‘rinda. Jamoa hisobida 11 ta g‘alaba, 2 ta durang va 9 ta mag‘lubiyat mavjud. Jamoani serbiyalik mutaxassis Nikola Lazerevich boshqarib bormoqda.

O‘zaro uchrashuvlar tarixi

Birinchi davra o‘yini Superliganing 10-tur doirasida bo‘lib o‘tgan. Unda navoiyliklar 2:0 hisobida g‘alaba qozongan. Gollarga Pol Komolafe hamda Temurxo‘ja Abduxoliqovlar mualliklik qilgan. Jamoalar o‘zaro 17 marta to‘qnash kelgan, shundan 8 ta g‘alaba “Surxon” hisobida. Shuningdek, 5 ta g‘alaba “Qizilqum”da va 4 ta durang natija qayd etilgan. To‘plar nisbati — 19:16, "Surxon" foydasiga.

Fakt: E’tiborli jihati shuki, navoiyliklar o‘z tarixlarida Superliga doirasida “Surxon”ga qarshi safar o‘yinida g‘g‘alaba qozona olmagan. Jami 8 ta o‘yinning 6 tasida termizliklarning qo‘li baland kelgan bo‘lsa, yana 2 ta o‘yin durang bilan yakunlangan.

“Surxon”da nima gap?

So‘nggi 4 ta turda jamoa mag‘lubiyat nimaligini bilmay kelmoqda. Umumiy natijalarda so‘nggi 4 ta turda “Nasaf” kabi ko‘rsatkichlar a’lo darajada. Ya’ni, jamoa hisobida 3 ta g‘alaba va 1 ta durang bor.

Uchrashuv ertaga 18:30 da Olmaliqning OKMK sport majmuasida bo‘lib o‘tadi.