Суперлигада 23-тур учрашувлари давом этади.

"Сурхон"нинг навбатдаги рақиби — Навоийнинг “Қизилқум” жамоаси.

“Қизилқум” бу мавсумда жуда яхши ўйин намойиш этмоқда. Навоийликлар жорий мавсум лидерлар қаторидан жой олган. Айни вақтда жамоа 35 очко билан 5-ўринда. Жамоа ҳисобида 11 та ғалаба, 2 та дуранг ва 9 та мағлубият мавжуд. Жамоани сербиялик мутахассис Никола Лазеревич бошқариб бормоқда.

Ўзаро учрашувлар тарихи

Биринчи давра ўйини Суперлиганинг 10-тур доирасида бўлиб ўтган. Унда навоийликлар 2:0 ҳисобида ғалаба қозонган. Голларга Пол Комолафе ҳамда Темурхўжа Абдухолиқовлар муалликлик қилган. Жамоалар ўзаро 17 марта тўқнаш келган, шундан 8 та ғалаба “Сурхон” ҳисобида. Шунингдек, 5 та ғалаба “Қизилқум”да ва 4 та дуранг натижа қайд этилган. Тўплар нисбати — 19:16, "Сурхон" фойдасига.

Факт: Эътиборли жиҳати шуки, навоийликлар ўз тарихларида Суперлига доирасида “Сурхон”га қарши сафар ўйинида ғғалаба қозона олмаган. Жами 8 та ўйиннинг 6 тасида термизликларнинг қўли баланд келган бўлса, яна 2 та ўйин дуранг билан якунланган.

“Сурхон”да нима гап?

Сўнгги 4 та турда жамоа мағлубият нималигини билмай келмоқда. Умумий натижаларда сўнгги 4 та турда “Насаф” каби кўрсаткичлар аъло даражада. Яъни, жамоа ҳисобида 3 та ғалаба ва 1 та дуранг бор.

Учрашув эртага 18:30 да Олмалиқнинг ОКМК спорт мажмуасида бўлиб ўтади.