Londonning “Chelsi” klubi Moskvaning “Dinamo” klubi yarim himoyachisi Arsen Zaxaryanga qiziqish bildirmoqda va uning transferi bo‘yicha muzokaralarni davom ettirmoqda, deb xabar beradi Evening Standard.

Xabarlarga ko‘ra, "Chelsi" yanvar oyidagi transfer oynasida shartnomani yopishga tayyor, biroq muzokaralar jarayoni Rossiya iqtisodiyotiga kiritilgan sanksiyalar tufayli murakkablashdi.

Shuningdek, futbolchining o‘zi ham London klubiga o‘tishdan manfaatdor ekanligi va yaqin oylarda sanksiyalarni yumshatishga umid qilayotgani qayd etilgan. Bundan tashqari, Zaxaryan Rossiya fuqaroligini armanistonga o‘zgartirish bo‘yicha muzokaralar olib borayotgani haqida mish-mishlar yuribdi, biroq Armaniston futbol federasiyasi bu ma’lumotni rad etmoqda.

Yozgi transfer oynasida "Dinamo" va "Chelsi" 19 yoshli futbolchining transferi bo‘yicha kelishuvga erishgan edi, biroq kelishuv yakunlanmay qolgan.

Joriy mavsumda Zaxaryan RPL va Rossiya kubogida 17 ta o‘yin o‘tkazib, 3 ta gol urdi va 5 ta golli uzatmani amalga oshirdi.