Лондоннинг “Челси” клуби Москванинг “Динамо” клуби ярим ҳимоячиси Арсен Захарянга қизиқиш билдирмоқда ва унинг трансфери бўйича музокараларни давом эттирмоқда, деб хабар беради Evening Standard.

Хабарларга кўра, "Челси" январь ойидаги трансфер ойнасида шартномани ёпишга тайёр, бироқ музокаралар жараёни Россия иқтисодиётига киритилган санкциялар туфайли мураккаблашди.

Шунингдек, футболчининг ўзи ҳам Лондон клубига ўтишдан манфаатдор эканлиги ва яқин ойларда санкцияларни юмшатишга умид қилаётгани қайд этилган. Бундан ташқари, Захарян Россия фуқаролигини арманистонга ўзгартириш бўйича музокаралар олиб бораётгани ҳақида миш-мишлар юрибди, бироқ Арманистон футбол федерацияси бу маълумотни рад этмоқда.

Ёзги трансфер ойнасида "Динамо" ва "Челси" 19 ёшли футболчининг трансфери бўйича келишувга эришган эди, бироқ келишув якунланмай қолган.

Жорий мавсумда Захарян РПЛ ва Россия кубогида 17 та ўйин ўтказиб, 3 та гол урди ва 5 та голли узатмани амалга оширди.