Opta statistik portali AQSH, Meksika va Kanada maydonlarida o‘tayotgan Jahon chempionatining 1-turidan so‘ng favoritlar reytingini yangiladi. Unga ko‘ra, O‘zbekiston milliy terma jamoasining turnirda g‘olib chiqish imkoniyati 0,02 foiz deb baholangan.

Fabio Kannavaro shogirdlari dastlabki turda Kolumbiyaga mag‘lub bo‘lganidan so‘ng, superkompyuter O‘zbekistonning JCH—2026 dagi imkoniyatlarini quyidagicha hisoblab chiqdi:

Guruhda 1-o‘rinni egallash: 1,07%
Pley-offga yo‘l olish (1/16 final): 20,65%
Nimchorak final (1/8 final): 4,44%
Chorak final: 1,22%
Yarim final: 0,35%
Final: 0,06%
Chempionlik: 0,02%

Opta superkompyuteri talqiniga ko‘ra, 2026-yilgi mundialning asosiy favoriti — Fransiya terma jamoasi (chempionlik ehtimoli 15,73 foiz). Ikkinchi pog‘onadan Angliya (12,33 foiz) joy olgan bo‘lsa, kuchli uchlikni amaldagi jahon chempioni Argentina (12,28 foiz) yakunlab berdi.

Asosiy da’vogarlardan biri hisoblangan Ispaniya 12,08 foizlik ko‘rsatkich bilan 4-o‘rinni egalladi. Krishtianu Ronaldu boshchiligidagi Portugaliyaning Kongo DR bilan kutilmagan durangi oqibatida ularning chempionlik imkoniyati 6,73 foizdan 5,94 foizga tushib ketdi va jamoa 6-o‘ringa joylashdi. Tahlilchilarning ta’kidlashicha, Portugaliya va Ispaniya 1-turda o‘zidan kutilgan natijani qayd eta olmagani uchun ularning imkoniyatlari pasaytirilgan, biroq keyingi turlardagi g‘alabalar bu foizlarni yana o‘zgartirishi mumkin.

JCH—2026 g‘olibligiga asosiy da’vogar 15 ta jamoa (1-turdan so‘ng):

Fransiya 15,73%
Angliya 12,33%
Argentina 12,28%
Ispaniya 12,08%
Germaniya 6,43%
Portugaliya 5,94%
Braziliya 5,37%
Norvegiya 4,68%
Niderlandiya 3,06%
Kolumbiya 2,80%
AQSH 2,67%
Belgiya 1,96%
Marokash 1,49%
Meksika 1,37%
Yaponiya 1,21%

Osiyo qit’asi jamoalarining imkoniyatlari:

Mundialning 1-turidan so‘ng OFK (Osiyo futbol konfederasiyasi) mintaqasidan ishtirok etayotgan jamoalar orasida eng yaxshi imkoniyat Yaponiyada qayd etilgan:

Yaponiya 1,21%
Janubiy Koreya 0,61%
Eron 0,16%
Qatar 0,05%
Saudiya Arabistoni 0,05%
Iroq 0,02%
O‘zbekiston 0,02%
Iordaniya 0,00%

Ma’lumot o‘rnida: 2026-yilgi Jahon chempionati 11 iyundan 19 iyulga qadar AQSH, Kanada va Meksika maydonlarida bo‘lib o‘tadi. Yangi formatdagi musobaqada ilk bor 48 ta terma jamoa bosh sovrin uchun kurash olib bormoqda. Kanada JCH—2026 musobaqasining 13 ta o‘yiniga, Meksika ham 13 ta uchrashuvga mezbonlik qiladi. Qolgan barcha asosiy o‘yinlar AQSH stadionlarida o‘tkaziladi.