Superliga 23-tur doirasidan o‘rin olgan “Qo‘qon-1912” - “So‘g‘diyona” uchrashuvi 26 oktyabr kuni Yaypan shahridagi “O‘zbekiston”stadionida bo‘lib o‘tadi. Mazkur bahs oldidan bu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.

O‘zaro o‘yinlar

Bu jamoalar shu paytga qadar chempionat doirasida 33 marta to‘qnash kelishgan. Bu safargi to‘qnashuv jamolarning o‘zaro 34-uchrashuvi hisoblanadi.
O‘yinlarning 9 tasida qo‘qonliklar zafar quchishgan, 16 ta bahsda jizzaxliklar qo‘li baland kelgan. Sakizta uchrashuvda durang natija qayd etilgan.
To‘plar nisbati 55-38, “So‘g‘diyona” foydasiga. O‘zaro o‘yinlarda “Qo‘qon-1912” 35 ochkoni qo‘lga kiritgan. “So‘g‘diyona””ning ochkosi 56 tani tashkil etadi.

Qo‘qonda bo‘lib o‘tgan so‘nggi oltita uchrashuvda qayd etilgan natijalar:
18.05.2021 Qo‘qon-1912 – So‘g‘diyona – 2:3
14.03.2020 Qo‘qon-1912 - So‘g‘diyona - 2:1
30.07.2019 Qo‘qon-1912 - So‘g‘diyona - 1:2
25.11.2018 Qo‘qon-1912 - So‘g‘diyona - 0:0
29.07.2018 Qo‘qon-1912 - So‘g‘diyona - 2:1
20.06.2017 Qo‘qon-1912 - So‘g‘diyona - 3:2

"So‘g‘diyona"ga qarshi o‘yinni Abdurashid Xudoyberganov boshqarib boradi

Superliganing 23 turida ishlaydigan hakamlar va rasmiy shaxslar ro‘yxati e’lon qilindi. Unga ko‘ra Yaypandagi "O‘zbekiston" stadionida bo‘lib o‘tadigan "Qo‘qon-1912" hamda "So‘g‘diyona" jamoalari o‘rtasidagi bahsni, respublikamizning yosh va iqtidorli hakamlaridan biri Abdurashid Xudoyberganov boshqarib boradi.

26 oktyabr, chorshanba. Soat 18:30.
QO‘QON-1912 – SO‘G‘DIYONA
Hakamlar: Abdurashid Xudoyberganov, Rasuljon Fozilov, Maksim Nexochin, Ibrohim Ismoilov
Nazoratchi: Bobur Haydarov
VAR hakami: Ahrol Risqullayev
AVAR hakami: Anvar Marajabov
Komissar: Alisher Fayziyev

Boshlanish vaqtlari

“Qo‘qon-1912” - “So‘g‘diyona” uchrashuvi 26-oktyabr, chorshanba kuni, Yaypandagi “O‘zbekiston” stadionida, soat 18:30da boshlanadi.

Mazkur jamoalarning U21 tarkiblari o‘rtasidagi bahs esa 27 oktyabr kuni, soat 15:00da, Qo‘qondagi 2-BO‘SMga qarashli stadionda bo‘lib o‘tadi.