Sog‘ligi bilan bog‘liq muammolar tufayli Frank Riberi 39 yoshida butsalarini mixga ilishga majbur bo‘ldi. Uning "Bavariya"dagi sobiq sherigi Aren Robben fransiyalik futbolchining qaroriga munosabat bildirdi.

Eslatib o‘tamiz, Riberi - Robben juftligi bir vaqtlar Yevropadagi eng dahshatlilaridan biri edi. Bu juftlik "qaroqchilik" deb nomlangandi.

"Hammasi uchun rahmat, do‘stim! Maydonda ham, maydon tashqarisida ham siz bilan birga bo‘lish har doim yoqimli bo‘lgan. Siz erishgan barcha narsalaringiz bilan haqiqatan ham faxrlanishingiz mumkin! "Qaroqchilik"ning bir qismi bo‘lish men uchun sharaf bo‘lgan va doimo shunday bo‘ladi. Oilangiz bilan vaqt o‘tkazing va tez orada ko‘rishguncha!" - deb post qoldirdi Robben ijtimoiy tarmoqda.