Соғлиги билан боғлиқ муаммолар туфайли Франк Рибери 39 ёшида бутсаларини михга илишга мажбур бўлди. Унинг "Бавария"даги собиқ шериги Арен Роббен франциялик футболчининг қарорига муносабат билдирди.
Эслатиб ўтамиз, Рибери - Роббен жуфтлиги бир вақтлар Европадаги энг даҳшатлиларидан бири эди. Бу жуфтлик "қароқчилик" деб номланганди.
"Ҳаммаси учун раҳмат, дўстим! Майдонда ҳам, майдон ташқарисида ҳам сиз билан бирга бўлиш ҳар доим ёқимли бўлган. Сиз эришган барча нарсаларингиз билан ҳақиқатан ҳам фахрланишингиз мумкин! "Қароқчилик"нинг бир қисми бўлиш мен учун шараф бўлган ва доимо шундай бўлади. Оилангиз билан вақт ўтказинг ва тез орада кўришгунча!" - деб пост қолдирди Роббен ижтимоий тармоқда.
