"Real" vingeri Vinisius sentyabr oyida "Atletiko" muxlislari tomonidan irqchilik munosabatda bo‘lganidan keyin futboldagi bu illat haqida gapirdi.
"Agar siz boshqalarga zarar yetkazsangiz, buning uchun tovon to‘lashingiz kerak. Ko‘pchilikda shunday xulq-atvor bor bo‘lsa futboldagi irqchilik yo‘qoladimi, deyish qiyin. Ammo men yomon odamlardan ko‘ra yaxshi odamlar ko‘proq ekanligiga ishonishni yaxshi ko‘raman.
Barcha irqchilar o‘zlarining xatti-harakatlari uchun qandaydir tarzda tovon to‘lashlari kerak. Agar ular futbol tomosha qilishni yaxshi ko‘rsalar, "Atletiko"ning bunday muxlislari hech qachon stadionga qadam qo‘ymasliklari kerak. Bu ularning oqibatlarini tushunishga va o‘z harakatlari haqida o‘ylashga majbur qiladi", — dedi Vinisius Globo bilan suhbatda.
